Boku shahrida ITB guruhining 14-xususiy sektor forumi boʻlib oʻtadi

16-19 iyun kunlari Islom taraqqiyot banki (ITB) guruhi tashkilotlari Boku shahrida XIV xususiy sektor forumini (PSF 2026) o‘tkazadi “APA-Economics”ning xabar berishicha, forum Islom investitsiyalar va eksport kreditlarini sugʻurtalash korporatsiyasi (ICIEC), Xususiy sektorni rivojlantirish boʻyicha Islom korporatsiyasi (ICD) va Xalqaro islom savdo-moliya korporatsiyasi (ITFC) tomonidan ITB guruhi tarkibiga kiruvchi ITB Group Business Forum (THIQAH) bilan hamkorlik doirasida tashkil etiladi Boku Kongress markazida boʻlib oʻtadigan forum “Barqaror farovonlik yoʻlida mintaqaviy integratsiya” mavzusiga bagʻishlangan boʻlib, uning asosiy maqsadi ITBga aʼzo mamlakatlar oʻrtasidagi iqtisodiy hamkorlikni mustahkamlash, savdo va sarmoyaviy aloqalarni kengaytirish, shuningdek, iqtisodiyotning barqaror rivojlanishida xususiy sektorning rolini oshirishdan iborat Tadbirda mintaqaviy integratsiya, transchegaraviy sarmoyalar, savdo aloqalari, infratuzilma, energetika, texnologiya, sog‘liqni saqlash va moliya sohalarida yangi imkoniyatlar muhokama qilinadi. Forum doirasida yuqori darajadagi panel sessiyalari, hukumat va biznes vakillari oʻrtasida B2B va B2G uchrashuvlari, startap dasturlari va bilim almashish tadbirlari oʻtkaziladi Bundan tashqari, tadbirkorlarni, ayniqsa, kichik va o‘rta biznes subyektlarini qo‘llab-quvvatlash, davlat-xususiy sheriklikni kengaytirish, innovatsion loyihalarni ilgari surish forumning asosiy yo‘nalishlaridan bo‘ladi. Tadbir davomida ishtirokchilar uchun investitsiya loyihalari, xizmatlar va biznes imkoniyatlari namoyish etiladigan maxsus ko‘rgazma maydoni tashkil etiladi Forum doirasida startap tanlovi boʻlib oʻtadi va ITB guruhi tomonidan iqtisodiy taraqqiyot va savdoni ragʻbatlantirishga hissa qoʻshayotgan tashkilot va shaxslarga topshiriladigan “Hurmatli mukofotlar” toʻrtinchi bor topshiriladi Tadbirda davlat muassasalari rahbarlari, xalqaro moliya institutlari vakillari, yetakchi kompaniyalar rahbarlari, investorlar, tadbirkorlar, Savdo-sanoat palatalari vakillaridan iborat 1500 dan ortiq ishtirokchi ishtirok etishi kutilmoqda. Xabar qilinishicha, forum ITBga aʼzo mamlakatlar oʻrtasida yangi sheriklik munosabatlarini oʻrnatish va sarmoyaviy hamkorlikni kengaytirish uchun muhim platforma boʻladi