“Shusha – Ozarbayjon durdonasi” kitobi Iroqda nufuzli mukofot bilan taqdirlandi

Iroqlik professor Mutez Muhy Abdulhamidning “Shusha – Ozarbayjon gavhari” kitobi Iroqda sayohat adabiyoti bo‘yicha Naji Javad as-Saati mukofotiga sazovor bo‘ldi “AZERTAC”ning xabar berishicha, sayohatchi, yozuvchi va huquqshunos Naji Javad as-Soatiy merosini saqlash qo‘mitasi hamda Bag‘dod madaniyat markazi o‘n oltinchi marta taqdim etilgan mukofotning natijalarini e’lon qildi. Jiddiy akademik va adabiy bahodan so‘ng “Shusha – Ozarbayjon durdonasi” kitobi mukofotga sazovor bo‘ldi. “Shusha yili” tadbirlar rejasi doirasida Ozarbayjonning Iroqdagi elchixonasi ko‘magida chop etilgan kitob “Qorabog‘ xonligining poytaxti Shusha” va “Shusha shahrining urush va tinchlik o‘rtasidagi madaniy merosi” deb nomlangan ikki bobdan iborat. Kitobning kirish qismida muallif 44 kunlik Vatan urushi haqida umumiy ma’lumot berar ekan, bu urush boshlanishining tarixiy-siyosiy sabablariga to‘xtalib, Ozarbayjon Respublikasi Prezidentining urush davridagi nutqlari va intervyularidan iqtiboslar keltirish orqali bir qator fikrlarga oydinlik kiritdi. Ushbu bo'limda BMTning to'rtta mashhur rezolyutsiyasi va turli xalqaro tashkilotlar bayonotlari haqida ma'lumotlar ham keltirildi Birinchi bob Shusha shahrining qadimdan to hozirgi davrgacha bo‘lgan tarixini o‘z ichiga oladi. Muallif tarixiy manbalar va yevropalik sharqshunoslarning fikrlariga tayangan holda, bu shahar Ozarbayjonning qadimiy shahri ekanligini asoslaydi. Shusha shahrining odamlarning joylashishi tarixi bronza davriga borib taqalgani, keyingi davrlarda esa bu shaharning poydevorini Qorabog‘ xoni Panahalixon qo‘yganligi ishonchli faktlar bilan keltirilgan “Shushaning urush va tinchlik oʻrtasidagi madaniy merosi” deb nomlangan ikkinchi bob Shusha madaniyatiga oid mavzularni qamrab olgan bir necha kichik boblardan iborat. Muallif Shusha shahrining boy madaniy merosi va atoqli shaxslar haqidagi ma’lumotlarni alohida ta’kidladi. Shushaliklar yaratgan madaniyat nafaqat ozarbayjon xalqi, balki islom olamining madaniy merosi nuqtai nazaridan ham o‘ziga xos namuna ekani alohida ta’kidlandi. Bu qismda muallif Shusha shahrida barpo etilgan moddiy-madaniy yodgorliklar, masjidlar, cherkov va ziyoratgohlar, karvonsaroy va bozorlar, saroylar, muzey va kutubxonalar, ularning o‘ziga xos me’morchilik uslubi, tarixiy ahamiyati haqida atroflicha ma’lumot bergan 2026 © AZERTAC. Mualliflik huquqi himoyalangan. Axborotdan foydalanish giperhavola bilan havola qilinishi kerak