Bu yil Ozarbayjonda 100 dan ortiq modulli maktablar quriladi

Joriy yilda Ozarbayjonning turli hududlarida 100 dan ortiq modulli maktablar qurish rejalashtirilgan Bu haqda fan va taʼlim vaziri Emin Amrullayev jurnalistlarga bergan bayonotida maʼlum qildi Vazirning taʼkidlashicha, maktablarni taʼmirlash va rekonstruksiya qilish muayyan ketma-ketlik va algoritm asosida amalga oshirilmoqda: "Birinchi navbatda, katta hajmdagi maktablarni taʼmirlashga harakat qilmoqdamiz. Chunki bu maktablar koʻproq bolalarning taʼlim hayotiga taʼsir qiladi. Shu bois bizning asosiy eʼtiborimiz katta maktablarga qaratilgan. Kichik maktablar haqida gapiradigan boʻlsak, biz modulli maktablar qurishni maʼqul koʻramiz. Joriy yilda turli hududlarda 100 dan ortiq shunday modulli maktablar qurish rejalashtirilgan”, — dedi vazir