Ozarbayjon-YUNESKO hamkorligi muhokama qilindi

16 iyun kuni Ozarbayjon madaniyat vaziri Adil Karimli YUNESKOning Parijdagi bosh qarorgohida YUNESKO Bosh direktori Xolid Al-Anani bilan uchrashdi Bu haqda Modern.az nashriga Madaniyat vazirligi ma’lum qildi Xabar qilinishicha, Al-Anani YuNESKO bosh direktori etib saylanganidan keyin Ozarbayjon madaniyat vaziri bilan ilk uchrashuvini o‘tkazgan Uchrashuvda Ozarbayjon va YUNESKO oʻrtasidagi hamkorlikning bugungi holati va istiqbollari, madaniy merosni muhofaza qilish, nomoddiy madaniy merosni targʻib qilish, madaniyatlararo muloqot va xalqaro gumanitar hamkorlik masalalari muhokama qilindi A.Karimli Al-Anani YUNESKO Bosh direktori etib saylangani bilan tabriklab, faoliyatiga muvaffaqiyatlar tiladi. Ozarbayjon YUNESKO bilan hamkorlikka alohida e’tibor qaratishini ta’kidlab, mamlakatning tashkilot maqsad va tamoyillarini targ‘ib etishga qo‘shgan hissasi haqida gapirdi. A.Karimli, shuningdek, Ozarbayjon tomonidan madaniy xilma-xillikni muhofaza qilish, madaniy merosni kelajak avlodlarga yetkazish va global muloqotni rivojlantirish borasida amalga oshirilayotgan tashabbuslar haqida ma’lumot berdi U YUNESKOga yangi rahbarlik davrida tashkilot faoliyati yanada mustahkamlanishiga ishonch bildirib, yangi islohotlar amalga oshirilishiga, tashkilotning global chaqiriqlarga nisbatan moslashuvchan munosabatda bo‘lish imkoniyatlari kengayishiga umid bildirdi Uchrashuvda tomonlarni qiziqtirgan sohalarda hamkorlikni kengaytirish, YUNESKO platformasida qo‘shma loyihalarni amalga oshirish, madaniyat sohasidagi aloqalarni rivojlantirish yuzasidan fikr almashildi Tomonlar Ozarbayjon-YUNESKO hamkorligini kelgusida rivojlantirish uchun mavjud salohiyatni yuqori baholadilar