Ozarbayjon va Ispaniya TIV oʻrtasida konsullik maslahatlashuvlari boʻlib oʻtdi

5 iyun kuni Ispaniya Qirolligi poytaxti Madrid shahrida Ozarbayjon Respublikasi Tashqi ishlar vazirligi va Ispaniya Tashqi ishlar, Yevropa Ittifoqi va hamkorlik vazirligi o‘rtasida birinchi konsullik maslahatlashuvlari bo‘lib o‘tdi Bu haqda Ozarbayjon tashqi ishlar vazirligi ma’lum qildi, deb yozadi APA Maʼlumotlarga koʻra, Ozarbayjon delegatsiyasiga Konsullik boshqarmasi boshligʻi Emil Safarov, Ispaniya delegatsiyasiga esa Xorijdagi ispanlar va konsullik ishlari boʻyicha bosh boshqarmasi boshligʻi Karolina Alvares rahbarlik qilgan Konsullik maslahatlashuvlari chog‘ida Ozarbayjon uchun hamkor mamlakat bo‘lgan Ispaniya bilan konsullik sohasidagi hamkorlikning hozirgi holati va rivojlanish istiqbollari, jumladan, sohada yangi ikki tomonlama hujjatlarni imzolash va konsullik xizmatlarini raqamlashtirish masalalari muhokama qilindi Muzokaralar chog‘ida Ozarbayjon Respublikasi va Ispaniya Qirolligi o‘rtasida ikki mamlakat fuqarolarining huquq va erkinliklarini himoya qilish, shuningdek, adliya, huquqni muhofaza qilish, prokuratura, migratsiya, ta’lim va viza siyosati sohalarida ko‘p tomonlama va ikki tomonlama hamkorlikning istiqbollari ko‘rib chiqildi