Ozarbayjon, Turkiya va Gruziya maxsus kuchlarining qo‘shma mashg‘ulotlari o‘tkazilmoqda

Tbilisi yaqinidagi Muxrovani harbiy bazasida Ozarbayjon, Turkiya va Gruziya maxsus kuchlari ishtirokida “Kavkaz burguti – 2026” qo‘shma taktik-maxsus o‘quv mashg‘ulotlarining ochilish marosimi bo‘lib o‘tdi 525.az Mudofaa vazirligi xabariga ko‘ra, tadbirda Ozarbayjon Respublikasining Gruziyadagi Favqulodda va muxtor elchisi Faig Guliyev va harbiy attashe apparati vakillari, shuningdek, boshqa ishtirokchi davlatlardan yuqori darajali mehmonlar ishtirok etgan Rejaga ko‘ra, dastlab Ozarbayjon, Turkiya va Gruziya mustaqilligi va suvereniteti yo‘lida halok bo‘lgan harbiy xizmatchilar xotirasi bir daqiqalik sukut bilan yodga olindi, har uch davlatning davlat madhiyalari yangradi, davlat bayroqlari ko‘tarildi Ochilish marosimida so‘zga chiqqanlar mehmonlarni qutlar ekan, bunday treninglar qo‘shma tadbirlarni rejalashtirish, o‘zaro tajriba almashishda muhim ahamiyat kasb etishini ta’kidlab, ishtirokchilarga muvaffaqiyatlar tiladi Uch hamkor davlatning mintaqada xavfsizlik va mudofaa sohasidagi hamkorligini yanada mustahkamlashga qaratilgan ushbu o‘quv mashg‘ulotlari bo‘linmalarning jangovar tayyorgarlik salohiyatini kengaytirish nuqtai nazaridan alohida ahamiyat kasb etishi ta’kidlandi