Ozarbayjon talabalar ligasi mavsumi yakunlandi

Oliy ta’lim muassasalari talabalari o‘rtasida futzal bo‘yicha Ozarbayjon talabalar ligasining 2025/2026 yilgi mavsumi yakunlandi “AZERTAK” xabar berishicha, uchinchi o‘rin uchun kurashda Boku davlat universiteti jamoasi Ozarbayjon texnika universiteti jamoasi ustidan g‘alaba qozondi. Ozarbayjon sport akademiyasi jamoasi Ozarbayjon arxitektura va qurilish universiteti jamoasini mag‘lub etib, liga g‘olibi bo‘ldi Liganing ikkinchi yarim guruhida qatnashayotgan jamoalar o‘rtasida Ozarbayjon davlat pedagogika universiteti 1-o‘rin, Boku muhandislik universiteti 2-o‘rin, Milliy aviatsiya akademiyasi 3-o‘ringa sazovor bo‘ldi O‘yinlardan so‘ng g‘oliblarni taqdirlash marosimi bo‘lib o‘tdi Tadbirda Fan va ta’lim vazirligi, Ozarbayjon futbol federatsiyalari assotsiatsiyasi, Ozarbayjon talabalar futbol federatsiyasi, Fan va ta’lim xodimlari kasaba uyushmasi Respublika qo‘mitasi mas’ul xodimlari, faxriy futbolchilar ishtirok etdi Yakunlash marosimida AFFA hakamlar qo‘mitasiga o‘yinlarni boshqarishdagi samarali faolligi uchun “Tashakkurnoma” topshirildi. O‘yinlarda o‘zini ko‘rsatgan uch nafar talaba-futbolchi “Eng yaxshi darvozabon”, “Eng samarali o‘yinchi”, “Eng yaxshi o‘yinchi” nominatsiyalari bo‘yicha maxsus mukofot, ikkinchi yarim guruh g‘oliblariga esdalik sovg‘asi, ligada g‘olib chiqqan jamoalarga medal va pul mukofoti, chempion jamoaga kubok topshirildi Eslatib oʻtamiz, Ozarbayjon talabalar ligasi Fan va taʼlim vazirligi, Ozarbayjon talabalar futbol federatsiyasi jamoat birlashmasi, Fan va taʼlim xodimlari kasaba uyushmasi Respublika qoʻmitasi va Ozarbayjon futbol federatsiyalari assotsiatsiyasi tomonidan 2023 yildan boshlab tashkil etiladi Ozarbayjon talabalar ligasining 2025/2026 yilgi mavsumi o‘tgan yilning 1-noyabr kuni start olgan va ligada 14 ta oliy ta’lim muassasasi o‘zaro kuch sinashdi Ligani tashkil etishdan ko‘zlangan maqsad oliy ta’lim muassasalari talabalari o‘rtasida futzal sport turini ommalashtirish, ular orasidan umidli sportchilarni kashf etish, ushbu sport turiga qiziqishni oshirish, talabalardan tashkil topgan futzal terma jamoasini shakllantirishdan iborat edi 2026 © AZERTAC. Mualliflik huquqi himoyalangan. Ma'lumotlardan foydalanish giperhavola bilan havola qilinishi kerak