Azov dengizida kemaga hujum paytida yaralangan ozarbayjonliklar soni 4 nafarga yetdi

Azov dengizida Palau bayrogʻi ostida suzib yurgan kemaga uchuvchisiz uchoqning hujumi oqibatida jabrlangan Ozarbayjon fuqarolari soni 4 nafarga yetdi APA Rossiya byurosi xabariga koʻra, hodisa oqibatida jarohat olgan yana bir kishi - kema boshligʻi Rashad Madatxonov Yeysk shahar markaziy shifoxonasining travmatologiya boʻlimiga yotqizilgan Hozirda u boshqa yaradorlar Samid Ibadzoda, Emin Valehov va Namig Jafarli bilan bir palatada davolanmoqda Ma’lumotlarga ko‘ra, jarohatlanganlar yana shifokor ko‘rigidan o‘tkazilgan. Ma’lum qilinishicha, Emin Valehovning o‘ng qulog‘ida muammo bor. Qayd etilishicha, Namig Jafarlining ikkala qulog‘ida ham eshitish muammosi bor. Rashad Madatxonov boshidan jarohat olgani ma’lum bo‘ldi Huquq-tartibot idoralari vakillari ham jarohatlanganlar bilan uchrashib, ularning ko‘rsatmalarini oldi. So‘roq paytida hujumning ba’zi tafsilotlari ma’lum bo‘ldi Jarohatlanganlarning so‘zlariga ko‘ra, kemaning bosh mexanigi Qismat Aliyev dron zarbasi natijasida og‘ir kuyish jarohatlari olgan va vafot etgan Kema kapitani Fuad O‘rujovning oyog‘i singani va hujum paytida og‘ir jarohat olgani xabar qilingan. Ma`lumotlarga ko'ra, u qutqaruv ko'ylagi kiyganidan keyin suvga tushirilgan. Jarohatlanganlarning ko‘rsatmalariga ko‘ra, hodisa oqibatida Fuad O‘rujov ham vafot etgan