“Azercell” ko‘magida “RobotChallenge Azerbaijan 2026” muvaffaqiyatli yakunlandi

Musobaqa yakunlariga ko‘ra jami 36 ta jamoa g‘oliblar qatoridan joy oldi “Azercell” ko‘magi va Ozarbayjon Respublikasi Yoshlar va sport vazirligi hamkorligida o‘tkazilgan “RobotChallenge Azerbaijan 2026” muvaffaqiyatli yakunlandi. Dunyodagi eng nufuzli robototexnika tanlovlaridan biri bo‘lgan RobotChallenge birinchi mahalliy bosqichi yoshlar o‘rtasida STEAM ta’limini ommalashtirish va mamlakatda innovatsion ekotizimni rivojlantirishga xizmat qiluvchi muhim platformaga aylandi Musobaqada Ozarbayjonning turli viloyatlari va xorijiy davlatlardan 600 dan ortiq ishtirokchi va 200 dan ortiq jamoalar o‘zaro kuch sinashdi. Musobaqaning ochilish marosimida Ozarbayjon Respublikasi Yoshlar va sport vaziri o‘rinbosari Indira Hajiyeva, “Azercell Telekom” MChJ korporativ aloqa departamenti direktori Sona Abbosova, shuningdek, soha yetakchilari, texnologiya mutaxassislari va boshqa rasmiy mehmonlar ishtirok etishdi Sona Abbosova innovatsiya va muhandislik sohalarida yoshlarning salohiyatini ro‘yobga chiqarish muhimligini ta’kidladi. S.Abbasovaning aytishicha, “Azercell” mamlakatda raqamli ko‘nikmalarni rivojlantirish va bo‘lajak texnologiya yetakchilarini shakllantirishga qaratilgan tashabbuslarni qo‘llab-quvvatlashda davom etadi Ta’kidlash joizki, tanlov ishtirokchilari turli nominatsiyalar bo‘yicha o‘zlarining texnik bilim va ko‘nikmalarini namoyish etib, innovatsion yechimlarni taqdim etdilar. Dinamik uchrashuvlar va texnologik loyihalar tadbirga ko'plab tashrif buyuruvchilarda katta qiziqish uyg'otdi Tanlovning yakuniy natijalariga ko‘ra 7 ta asosiy va 5 ta kichik toifalar bo‘yicha g‘oliblar aniqlandi. Jami 36 ta jamoa g‘oliblar qatoridan joy oldi. Ular orasidan 12 jamoa birinchi, 12 jamoa ikkinchi, 12 jamoa uchinchi o‘rinni qo‘lga kiritdi. Jamoalar tomonidan taqdim etilgan innovatsion yechimlar, texnik yondashuvlar va yuqori ko‘rsatkichlar hakamlar hay’ati tomonidan alohida baholandi. Eslatib o‘tamiz, mahalliy bosqich g‘oliblari Xitoyda bo‘lib o‘tadigan xalqaro finalda Ozarbayjon nomidan qatnashish huquqini qo‘lga kiritdi