"Axios": AQSh Eronga uranni boyitish bo'yicha 20 yillik moratoriy taklif qildi

Islomobodda (Pokiston) boʻlib oʻtgan muzokaralar chogʻida AQSh Eronga uranni boyitish boʻyicha 20 yillik moratoriy taklif qildi Bu haqda “Axios” amerikalik amaldorga tayanib ma’lum qildi, deb yozadi “Report” Xabarlarga ko'ra, Eron tomoni qisqaroq moratoriy muddatini taklif qilish bilan javob bergan, manbalar buni "aniq ravishda 20 yildan kamroq" deb ta'riflagan "Eron yadro dasturi boʻyicha kelishmovchiliklar kelishuvga erishish yoʻlidagi asosiy toʻsiq boʻlib qolmoqda. Xususan, bahs Tehron uranni boyitish va uning allaqachon toʻplangan zaxiralaridan voz kechishga tayyormi yoki yoʻqligi haqida ketmoqda", - deydi manbalar "Axios" ma'lumotlariga ko'ra, Tehron nazorat ostida boyitish darajasini pasaytirishni taklif qilgan. Manbalar, shuningdek, Eron tomoni vaqtinchalik kelishuvga erishilishini kutganini, biroq AQSh vitse-prezidenti Jey D.Vensning muzokaralar yakunlanishi va AQSh delegatsiyasining ketishi haqidagi bayonoti ular uchun kutilmagan bo‘lganini qayd etadi Eslatib oʻtamiz, 28-fevral kuni AQSh va Isroil Eronga qarshi harbiy amaliyotlar boshlab, bir qator shaharlarga havodan zarbalar bergan edi. O‘sha kuni Eron oliy rahbari Ali Xomanaiy zarbalar natijasida halok bo‘ldi. Bunga javoban Eron Isroil hududiga raketa zarbalari berdi va Fors ko‘rfazi mamlakatlaridagi AQSh harbiy bazalariga hujum qildi 8 aprel kuni Eron va AQSh va ularning ittifoqchilari ikki haftalik otashkesim haqida kelishib oldilar 11-12 aprel kunlari Islomobodda Pokiston vositachiligida Eron va AQSh oʻrtasida muzokaralar boʻlib oʻtdi. Vashington va Tehron oʻrtasida bir necha soat davom etgan muzokaralar kelishuvsiz yakunlandi Eslatib o‘tamiz, avvalroq AQSh prezidenti Donald Tramp AQShning Hormuz bo‘g‘ozidagi blokadasini buzishga urinayotgan barcha Eron kemalarini yo‘q qilish bilan tahdid qilgandi Ulardan foydalanishda saytdagi materiallarga murojaat qilish muhimdir. Veb-sahifalarda ma'lumotlardan foydalanilganda, giperhavola orqali havola qilish majburiydir