"Axios" AQSh-Eron kelishuvi tafsilotlarini e'lon qildi

AQSh va Eron kelishuv loyihasining dastlabki matnini kelishib oldi “Axios” nashrining yozishicha, yaqin orada imzolanishi mumkin boʻlgan kelishuv memorandumi loyihasiga koʻra, Ormuz boʻgʻozini zudlik bilan ochish, Eronga qarshi sanksiyalarni yumshatish, oʻt ochishni toʻxtatish rejimini, jumladan, Livanni ham 60 kunga uzaytirish koʻzda tutilgan Memorandumga ko‘ra, Eron hech qachon yadro qurolini ishlab chiqmaslik va boyitilgan uran zaxiralari masalasini hal etish majburiyatini oladi. Buning evaziga AQSh Tehron kelishuv shartlarini bajarishiga qarab sanksiyalarni bosqichma-bosqich yumshatadi “Axios” nashrining yozishicha, AQSh prezidenti Donald Tramp Erondagi yuqori darajada boyitilgan uranni BMT inspektorlari nazorati ostida saqlash varianti mumkin bo‘lgan yechimlardan biri bo‘lishi mumkinligini qabul qilgan Hujjatda, shuningdek, AQSh blokadasi tugashi va kelishuv imzolanganidan keyin 30 kun ichida Hormuz boʻgʻozida yuk tashishni urushdan oldingi darajaga qaytarish rejalashtirilmoqda Nashrning qayd etishicha, Trampning kelishuv yakunlangani haqidagi bayonoti Isroil bosh vaziri Binyamin Netanyaxu uchun kutilmagan bo‘lgan. Maʼlumotlarga koʻra, soʻnggi kunlarda Netanyaxu vaziyatdan bexabar boʻlgan va Tramp maʼmuriyatining yaqin ittifoqchilari bilan bogʻlanib, maʼlumot olishga harakat qilgan Vositachi davlatlardan birining diplomatining Axiosga aytishicha, AQSh va Eron kelishuv matni bo‘yicha kelishib olgan, biroq hujjat haligacha yakuniy tasdiqlashga muhtoj