Evropaga "sevish vizasi"

Bir qator Yevropa mamlakatlarida hamkorlarga nikohni talab qilmasdan viza olish imkonini beruvchi tizimlar mavjud Modern.az saytining xabar berishicha, Germaniya, Avstriya, Belgiya, Chexiya, Daniya, Finlyandiya, Fransiya, Niderlandiya, Ispaniya, Shvetsiya (Sambo vizasi), Shveytsariya, Italiya va Norvegiya ushbu turkumga kiruvchi davlatlar qatoriga kiradi. Ba'zi mamlakatlarda maxsus "sevish vizasi" dasturi mavjud bo'lmasa-da, amaldagi viza qoidalari doirasida qisqa muddatli uchrashuvlar uchun oilaviy yoki mehmon vizasidan foydalanish mumkin Hamkor vizasiga murojaat etuvchilardan odatda amaldagi pasport, sayohat xarajatlarini qoplash uchun moliyaviy qobiliyatni tasdiqlovchi hujjat, toza sudlanganlik va ilgari vizani buzmaganliklari talab qilinadi. Shu bilan birga, chet elda yashovchi hamkordan olingan rasmiy taklifnoma munosabatlarning haqiqiyligini tasdiqlovchi asosiy hujjatlardan biri hisoblanadi Ariza topshirish jarayoni mamlakatlarning konsulliklari yoki viza markazlari orqali amalga oshiriladi. Ushbu bosqich ariza shaklini to'ldirish, hujjatlarni tayyorlash, qabulga yozilish, biometrik ma'lumotlarni taqdim etish va kerak bo'lganda suhbat o'tkazishni o'z ichiga oladi Kerakli hujjatlarga kamida 3 oy amal qiladigan pasport, oxirgi 6 oy ichida olingan biometrik fotosuratlar, ariza shakli, taklifnoma, ikki tomonga chiptalar, bank ko‘chirmasi, viza to‘lovi kvitansiyasi va kamida 30 000 yevro bo‘lgan sayohat sug‘urtasi kiradi. Ba'zi hollarda qo'shimcha hujjatlar talab qilinishi mumkin Qoidalar doirasida chet elda yashovchi hamkor tomonidan yozilgan taklifnoma alohida ahamiyatga ega. Muhimi, maktub murojaat qilingan davlat tilida tayyorlanishi, rasmiy organga yo‘llanishi, tomonlarning ma’lumotlari, munosabatlarning mohiyati va tashrif maqsadi aniq aks ettirilgan bo‘lishi kerak