Yevropa Ittifoqi Armanistonga 30 million yevro ajratdi

Yevropa Ittifoqi (YeI) Yevropa tinchlik jamg‘armasi doirasida Armaniston qurolli kuchlarini qo‘llab-quvvatlash uchun 30 million yevro ajratdi. Bu yordam halokatli qurollarni qamrab olmaydi Bu haqda 5-may kuni Yerevanda bo‘lib o‘tgan Armaniston-Yevropa Ittifoqi sammiti yakunlari bo‘yicha qo‘shma bayonotda ma’lum qilindi, deb xabar beradi Modern.az Hujjatda aytilishicha, Armanistonga yordam ikki bosqichda amalga oshiriladi va mamlakat barqarorligini mustahkamlash, shuningdek, uning qurolli kuchlarining kelajakda xalqaro missiya va operatsiyalarda, jumladan, YeI yetakchiligida amalga oshirilayotgan tadbirlarda ishtirok etish imkoniyatlarini oshirishga xizmat qiladi Eslatib o‘tamiz, 2024-yilning 23-iyulida Yevropa Ittifoqi Yevropa tinchlik jamg‘armasi orqali ilk bor Armanistonga 10 million yevro miqdorida yordam ajratgan edi. Keyinchalik, 2026 yil 30 yanvarda qo'shimcha 20 million yevro ajratishga qaror qilindi Armaniston tashqi ishlar vaziri Ararat Mirzoyan 23 mart kuni Yerevan Yevropa tinchlik jamg‘armasi doirasida uchinchi moliyaviy yordam paketini so‘rab Yevropa Ittifoqiga murojaat qilganini aytdi Eslatib oʻtamiz, Yevropa tinchlik jamgʻarmasi 2021-yilda Yevropa Ittifoqining mudofaa va xavfsizlik sohasidagi faoliyatini, shu jumladan tinchlikparvar operatsiyalarni moliyalashtirish maqsadida tashkil etilgan. Biroq, Ukrainada mojaro boshlanganidan so'ng, jamg'arma Yevropa Ittifoqi davlatlarining Ukraina armiyasini qurol-yarog' bilan ta'minlash xarajatlarini qoplash uchun ham ishlatilgan