"Atletiko" bilan xayrlashgan Grizmann muxlislardan uzr so'radi: Men xato qildim, o'zimga keldim

"Atletiko Madrid"ning yulduz futbolchisi Antuan Grizmann "Jirona"ga qarshi o'yindan so'ng muxlislari bilan xayrlashdi. Fransuz yulduzining "Barselona"ga o'tgani haqidagi tan olishi kechada o'z izini qoldirdi LaLiganing 37-haftasida "Atletiko Madrid" o'z maydonida "Jirona"ni 1:0 hisobida mag'lub etdi. Ademola Loukmanning goli Diego Simeone jamoasiga g'alaba keltirdi MLS jamoasi "Orlando Siti" bilan shartnoma imzolagan Antuan Grizmann "Atletiko Madrid" muxlislari qarshisida so'nggi uchrashuvini o'tkazdi. Fransuz yulduzi uchrashuvda 90 daqiqa maydonda qoldi O'yindan so'ng tashkil etilgan marosimda muxlislarga murojaat qilgan Grizmann "Barselona"ga o'tganidan afsusda ekanligini aytdi. Tajribali futbolchi "Avvalo bu yerda bo'lganingiz uchun rahmat aytmoqchiman. Ikkinchidan, bundan ham muhimi, yana uzr so'rayman. Bu yerda meni qanchalik sevishganini sezmagandim, juda yosh edim" Fransuz yulduzi so'zlarida davom etdi va "Barselona"ga o'tish qarorini xato deb bilganini aytdi. Grizmann: "Men xatoga yo'l qo'ydim, o'zimga keldim. Bu erga qaytib, yana zavq olish uchun qo'limdan kelganini qildim" Antuan Grizmann 2019 yilda "Atletiko"dan "Barselona"ga 120 million evro evaziga transfer qilingan edi. "Barselona"dagi qisqa muddatli faoliyatidan so'ng "Atletiko Madrid"ga qaytgan yulduz futbolchi yana muxlislar mehrini qozondi 35 yoshli futbolchi “Atletiko” safida 500 ta o‘yinda maydonga tushib, 212 ta gol urdi va 100 ta golli uzatmani amalga oshirdi. Grizmann klub tarixidagi eng muhim futbolchilardan biri sanaladi