Armaniston qishloq xoʻjaligi mahsulotlari Yevropa Ittifoqi bozoriga bojsiz kirish huquqiga ega boʻladi

Armanistonning qishloq xoʻjaligi mahsulotlari Yevropa Ittifoqi mamlakatlariga bojxona toʻlovlarisiz eksport qilinadi. Bu haqda Armaniston bosh vaziri Nikol Pashinyan Yevrokomissiya prezidenti Ursula fon der Leyen bilan telefon orqali muloqoti yakunida ma’lum qildi, deb yozadi “ArmenPress” Nashrning yozishicha, Yevrokomissiya rahbari eksport bilan bog‘liq muammolarni minimallashtirish uchun nafaqat 50 million yevro miqdorida shoshilinch moliyaviy yordam ko‘rsatish, balki arman tovarlari uchun bojxona to‘lovlari bekor qilinishini ham ma’lum qilgan. Bosh vazirning taʼkidlashicha, Yevropa Ittifoqiga aʼzo barcha davlatlar aslida Armaniston uchun yangi savdo bozorlariga aylanmoqda Misol uchun, currenttime.tv xabar berishicha, Rosselxoznadzor Armanistondan tirik baliq olib kirishni cheklagan. 2 iyundan boshlab Yerevan Rossiyaga eksport qilish uchun moʻljallangan tirik baliq va baliq mahsulotlarini sertifikatlashni toʻxtatib qoʻyishi kerak edi, tekshirilgan ikkita korxona mahsulotlari bundan mustasno Yevropa Ittifoqi bilan olib borilayotgan muzokaralar fonida Armaniston eksport yo‘nalishlarini kengaytirmoqda. Birinchi qadamlardan biri Latviyaga atirgullar partiyasini yuborish edi. Kelgusida mamlakat Niderlandiyadagi eng yirik xalqaro auktsionlarga gullar yetkazib berishni boshlashni rejalashtirmoqda