Arda Turan boshqaruvidagi “Shaxtyor” esa “Kristal Pelas”ga imkoniyatni boy berdi

UEFA Yevropa konferensiya ligasi yarimfinalining dastlabki o‘yinida Donetskning “Shaxtyor” va “Kristal Pelas” klublari o‘zaro to‘qnash kelishdi. Polshaning Krakov shahridagi “Genrika Reymana” stadionida bo‘lib o‘tgan o‘yinda Germaniya futbol federatsiyasi vakili Feliks Zvayer hushtak chaldi. Zvayerga Robert Kempter va Kristian Dits yordam berishdi Uchrashuvni tezkor boshlagan inglizlar 1-daqiqada Sarrning goli evaziga oldinga chiqib olishdi va uchrashuvning birinchi bo‘limi “Kristal Pelas”ning 1:0 hisobidagi ustunligi bilan yakunlandi. Garchi “Shaxtyor” 47-daqiqada Ocheretkoning goli evaziga hisobni tenglashtirgan bo‘lsa-da, Kamada 58-daqiqada britaniyaliklarni yana bir bor oldinga olib chiqdi: 1:2. 84-daqiqada Larsen urgan goli bilan hisobni aniqladi: 1:3. Uchrashuvda boshqa gol bo‘lmadi va “Kristal Pelas” Donetskning “Shaxtyor” jamoasini 3:1 hisobida mag‘lub etdi. Turning javob uchrashuvi 7-may, payshanba kuni Angliyada bo‘lib o‘tadi