Arda Xiva: xalqaro turizm sahnasida yangi brend

Rossiyaning turizm infratuzilmasini boshqarish va rivojlantirish boʻyicha yetakchi kompaniyalaridan biri boʻlgan “Cronwell Development” va Rossiyaning eng yirik onlayn sayohat agregatori “Ostrovok” oʻrtasidagi kelishuv Oʻzbekistonning Xorazm viloyatidagi koʻp funksiyali “Arda Xiva” sayyohlik majmuasini xalqaro miqyosda targʻib qilishda yangi bosqichni boshlab berdi Ushbu hamkorlik O‘zbekiston Respublikasi Prezidenti tashabbusi bilan mamlakatimiz turizm infratuzilmasini modernizatsiya qilish, tarixiy va madaniy merosni jahon turizm yo‘nalishlariga integratsiya qilish, xorijiy sayyohlar oqimini ko‘paytirishga qaratilgan keng ko‘lamli islohotlarning amaliy natijasi sifatida baholanmoqda Erishilgan kelishuvlarga muvofiq tomonlar Arda Xiva majmuasini Rossiya va boshqa istiqbolli bozorlarda ilgari surish, yangi sayyohlik mahsulotlarini ishlab chiqish, xalqaro koʻrgazma va forumlarda ishtirok etish, ishbilarmonlik aloqalari va sheriklik aloqalarini kengaytirish boʻyicha hamkorlikda ish olib boradi Mutaxassislarning fikricha, kelishuv O‘zbekistonning turizm eksportini kengaytirishga, Rossiyadan turistlar oqimini ko‘paytirishga va qadimiy Xivaning mintaqaning asosiy sayyohlik markazlaridan biri sifatida xalqaro jozibadorligini kuchaytirishga yordam beradi Mutaxassislarning qayd etishicha, mazkur hamkorlik nafaqat Arda Xiva majmuasi, balki butun Xorazm viloyati va butun O‘zbekiston turizm sanoati uchun yangi imkoniyatlar yaratadi. Bu mamlakatimizning boy tarixiy-madaniy merosi, zamonaviy turizm infratuzilmasi hamda O‘zbekistonning xalqaro maydonda ochiq investitsiya siyosatini keng targ‘ib etishga xizmat qilmoqda