Andijon hokimligi fuqarolarning muddati o‘tgan murojaatlari bo‘yicha antireytingda birinchi o‘rinni egalladi

O‘zbekiston Prezidentining Xalq qabulxonalari tomonidan o‘tkazilgan tekshirishda vazirliklar, idoralar va hokimliklar tomonidan fuqarolarning murojaatlarini ko‘rib chiqish muddatlarining ko‘plab buzilishi holatlari aniqlandi Tahlil natijalariga ko‘ra, 41 ta davlat organi tomonidan aholi murojaatlarini o‘z vaqtida ko‘rib chiqmaslik bo‘yicha 1070 ta holatga yo‘l qo‘yilgan Eng ko‘p huquqbuzarliklar Andijon viloyati hokimligida qayd etilgan – 137 ta holat. Undan keyingi o‘rinlarda Kambag‘allikni qisqartirish va bandlikka ko‘maklashish vazirligi (107 ta holat), Surxondaryo viloyati hokimligi (103 ta), Raqobatni rivojlantirish va iste’molchilar huquqlarini himoya qilish qo‘mitasi (79 ta) va O‘zbekiston mahallalari assotsiatsiyasi (65 ta) bormoqda Toshkent shahar hokimligi, Qashqadaryo va Namangan viloyatlari hokimliklari, Oila va xotin-qizlar masalalari qo‘mitasi faoliyatida ham jiddiy kamchiliklar aniqlandi Tekshiruv natijasida 19 nafar mansabdor shaxs egallab turgan lavozimidan ozod etildi, yana 36 nafar xodim intizomiy javobgarlikka tortildi. Murojaatlarni ko‘rib chiqish muddati 600 ga yaqin buzilish holatlariga yo‘l qo‘ygan va aniqlangan kamchiliklar bartaraf etilmagan 13 ta vazirlik va idoralar yuzasidan materiallar huquqiy baho berish uchun Bosh prokuraturaga yuborildi Avvalroq prezident bir qator boshqarmalarni fuqarolar murojaatlari bilan ishlashga rasman yondashgani, ko‘tarilgan masalalarga real yechim topilmagani uchun tanqid qilgan edi. Shu munosabat bilan, may oyidan Prezident virtual qabulxonasi tizimida yangi nazorat mexanizmi ishlay boshladi: muddati o‘tib ketgan arizalar avtomatik tarzda qayta ko‘rib chiqish uchun yuqori turuvchi organlarga yuboriladi Agar xato topsangiz, matn qismini tanlang va Ctrl+Enter tugmalarini bosing