Amerika Grenlandiyani unutmaydi

Qo'shma Shtatlar so'nggi oylarda Daniya bilan Grenlandiyada uchta yangi harbiy baza ochish masalasini muhokama qilmoqda. Bu haqda BBC muzokaralarga yaqin bo‘lgan rasmiylar va diplomatlarga tayanib xabar berdi. Yanvar oyi oʻrtalaridan beri tomonlar kamida besh marta uchrashgan Muzokaralarda AQShdan Davlat departamenti maslahatchisi Maykl Nidxem ishtirok etmoqda. Oq uy Daniya bilan yuqori darajadagi muzokaralar faktini tasdiqladi, biroq tafsilotlarni berishdan bosh tortdi va faqatgina “jarayon to‘g‘ri yo‘nalishda ketayotganini” ta’kidladi va ma’muriyat bu jarayonga optimistik munosabatda. Daniya TIV muzokaralar davom etayotganini tasdiqladi, shuningdek, tafsilotlarni berishdan bosh tortdi BBC manbalarining aytishicha, yangi bazalar orol janubida joylashishi kutilmoqda. Ularning vazifalariga Shimoliy Atlantikadagi Rossiya va Xitoy harbiy-dengiz kuchlarining potentsial faolligini kuzatish kiradi. BBC manbalarining qayd etishicha, tomonlar o‘rtasida yakuniy kelishuvga erishilmagan va yaratilishi kutilayotgan bazalar soni o‘zgarishi mumkin