Oltin narxi keskin tushib ketdi: oxirgi uch oyda qayd etilgan eng past daraja

Oltin narxi chorshanba kuni keskin pasayib, 11 haftalik eng past darajaga yetdi. Bozor AQSH dollarining mustahkamlanishi, neft narxining oshishi va AQShda yuqori foiz stavkalari saqlanib qolishi haqidagi taxminlar bosimi ostida. Bu haqda Reuters agentligi xabar berdi Spot oltin narxi 1,8 foizga tushib, untsiyasi 4 187,59 dollarni tashkil qildi. Bu 23-martdan beri eng past ko‘rsatkichdir Shu bilan birga, avgust oyida yetkazib beriladigan oltin fyucherslari 1,7 foizga pasayib, untsiya uchun 4213,40 dollarni tashkil qildi Bozordagi o'zgarishlarga nima ta'sir qildi? Ekspertlarning fikricha, oltinning ommaviy sotilishiga Yaqin Sharqdagi vaziyatning keskinligi sabab bo‘lgan Seshanba kuni AQSh Erondagi nishonlarga zarba berdi. Avvalroq AQSh prezidenti Donald Tramp Amerikaning Apache vertolyoti Hormuz bo‘g‘ozida urib tushirilganini ma’lum qilgandi Bu voqealar fonida neft narxi oshdi va AQSh dollari kursi mustahkamlandi Iqtisodchilarning fikricha, dollar kursining mustahkamlanishi an’anaviy ravishda oltin narxiga salbiy ta’sir ko‘rsatmoqda. Buning sababi, oltinni qimmatroq va boshqa valyutalardan foydalanadigan investorlar uchun kamroq jozibador qiladi Eslatib o'tamiz, avvalroq oltin narxi yana bir rekord o'rnatib, untsiya uchun 4700 dollardan oshgani xabar qilingandi