Albaniya prezidenti rasmiy tashrif bilan Qirg‘izistonga keladi

Albaniya prezidenti Bayram Begay rasmiy tashrif bilan Qirg‘izistonga keladi. “Intymak Ordo” xabariga ko‘ra, prezident Sadir Japarov taklifiga binoan amalga oshiriladigan tashrif 17-19 iyun kunlariga mo‘ljallangan “Tashrif doirasida Cho‘lpon-Ota shahrida davlat rahbarlari ikki va ko‘p tomonlama hamkorlikning dolzarb masalalari yuzasidan muzokaralar o‘tkazadilar, shuningdek, iqtisodiyot, qishloq xo‘jaligi, turizm, transport, raqamlashtirish va boshqa sohalardagi hamkorlikni yanada rivojlantirish yuzasidan fikr almashadilar”, — deyiladi xabarda Bu Albaniya prezidentining Qirg‘izistonga ilk rasmiy tashrifidir Bayram Begay 16-iyun kuni O‘zbekistonga tashrif buyurdi.U O‘zbekiston Prezidenti Shavkat Mirziyoyev bilan muzokara o‘tkazdi va ikki tomonlama hamkorlikni muhokama qildi Albaniya - Bolqon yarim orolining janubi-g'arbiy qismida joylashgan Evropa davlati. 2,7 million aholiga ega mamlakat 2009-yildan buyon NATO aʼzosi va Yevropa Ittifoqiga aʼzo boʻlish uchun rasmiy nomzod hisoblanadi 2024-yilda ikki davlat diplomatik va xizmat pasportlari egalarini viza talablaridan ozod qilish to‘g‘risida kelishuv imzolagan edi 2025-yilda Qirg‘izistonning Albaniyadagi elchisi Ruslan Kazakboyev Tiranada bir qator uchrashuvlar o‘tkazdi va iqtisodiy hamkorlikni kengaytirish imkoniyatlarini muhokama qildi