Qo'shma Shtatlar va Eron o'rtasida murosaga deyarli erishilgani xabar qilingandi

AQSh va Eron kelishuv imzolashga yaqin turibdi. Bu haqda Bloomberg va CBS News yuqori martabali amaldorlar va G7 mamlakatlari vakillariga asoslanib xabar berdi Manbalarga ko‘ra, hujjat o‘zaro anglashuv memorandumi shaklida rasmiylashtiriladi Bloomberg suhbatdoshlaridan birining aytishicha, Tehronning yakuniy roziligi hali olinmagan bo‘lsa-da, yakshanba kuni Jenevada yoki Fransiyaning Evian shahrida bo‘lib o‘tadigan xalqaro uchrashuvlarda imzolanishi mumkin AQSh prezidenti Donald Tramp shu hafta oxirida Yevropa davlatlarida Eron bilan tinchlik shartnomasi imzolanishi mumkinligini allaqachon aytgan edi Axios xabariga ko'ra, memorandum matni allaqachon kelishib olingan, biroq tomonlar tomonidan yakuniy tasdiqlash talab etiladi. Hujjat loyihasiga ko‘ra, Eron yadro quroliga ega bo‘lmaslik va boyitilgan uran zahiralarini tartibga solish majburiyatini oladi. Buning o'rniga, AQSh sanksiyalarni yumshatish va iqtisodiy hamkorlikni tiklashni ko'rib chiqishi mumkin Hujjat, shuningdek, Ormuz boʻgʻozini xalqaro yuk tashish uchun qoʻshimcha toʻlovlarsiz ochish va traffikni urushdan oldingi darajaga bosqichma-bosqich tiklashni nazarda tutadi. Bunga javoban Vashington Eron portlari blokadasini bekor qilishi kerak bo‘ladi. Bloomberg ma'lumotlariga ko'ra, memorandumning imzolanishi AQSh va Eron o'rtasida keng qamrovli kelishuv bo'yicha 60 kunlik muzokaralarni ochish jarayonidagi birinchi qadamdir