Akiko Fujii: O‘zbekiston gender majburiyatlarini muvaffaqiyatli bajarmoqda

– O‘zbekiston hukumatini ushbu forumni tashkil etgani bilan samimiy tabriklayman. Forumning asosiy tadbirlari va sessiyalari juda muvaffaqiyatli o'tdi Ushbu nufuzli tadbir o‘zining mazmun-mohiyati bilan yuksak ahamiyat kasb etadi. 20 dan ortiq davlatdan parlament va hukumat darajasidagi rasmiylar iqtisodiy va ijtimoiy masalalarni muhokama qilish uchun yig‘ildi. Bu oddiy muammolar emas, balki ayollar huquqlari, bolalar manfaatlari va gender tengligi kabi global ahamiyatga ega mavzulardir. Muhimi, chuqur tahlil qilingan mazkur muloqot maydonida muammolar ko‘tarilib, ularni hal etish yuzasidan qat’iy majburiyatlarni olish bo‘yicha takliflar ilgari surildi Aytishim kerakki, O‘zbekistonda aynan shu sohalarda sezilarli yutuqlarga erishilmoqda. Bolalar va ayollar huquqlarini himoya qilish kuchaytirildi. Gender tengligiga erishish borasidagi majburiyatlar ham muvaffaqiyatli bajarilmoqda. Bu borada samarali hamkorlik yo‘lga qo‘yilganidan mamnunmiz Ularni moliyaviy qo‘llab-quvvatlashga e’tibor kuchaygani tufayli xotin-qizlarning davlat boshqaruvidagi ishtiroki kengayayotgani, tadbirkorlik faolligi ortib borayotgani quvonarlidir Jahon miqyosida ayollar deputatlik o‘rinlarining 27 foizini tashkil qilgan bo‘lsa, O‘zbekistonda bu ko‘rsatkich allaqachon 38 foizga yetgan. Bu katta yutuq Biz forumda xalqaro hamkorlarning O‘zbekistonni qo‘llab-quvvatlash va xotin-qizlar yetakchiligini kuchaytirish, gender moliyalashtirish va ishga yollash kabi masalalar bo‘yicha muhim qarorlar qabul qilinishi mumkin bo‘lgan ekotizimni barpo etishda birlashishi zarurligi ta’kidlanganini qiziqish va mamnuniyat bilan qayd etdik Ayollar muhim qarorlarni qabul qilishda ishtirok etishlari kerak. Bu jarayon yanada kengayib borsa, O‘zbekistondagi ijobiy o‘zgarishlar yanada keng tarqaladi Norgul Abduraimova, O‘zA