O‘zbekistonda Harbiy havo kuchlari jangovar qo‘mondonligi tashkil etiladi

Oʻzbekistonda Havo hujumidan mudofaa kuchlari va Harbiy havo kuchlari qoʻmondonligi negizida Harbiy havo kuchlari jangovar qoʻmondonligi tashkil etilmoqda, dedi mudofaa vaziri Shuhrat Xolmuhammedov “Axborot 24” dasturida Unga ko‘ra, Prezident Shavkat Mirziyoyev 8 iyun kuni havo hujumidan mudofaa tizimlari, yuqori aniqlikdagi qurollar va harbiy aviatsiyadan samarali foydalanish to‘g‘risidagi qarorni imzolagan. Hujjatga muvofiq, Havo hujumidan mudofaa kuchlari va Harbiy havo kuchlari qoʻmondonligi negizida Harbiy havo kuchlari jangovar qoʻmondonligi tashkil etilmoqda Shu bilan birga, yuqori aniqlikdagi qurollarni tashuvchi samolyotlar va uchuvchisiz uchish tizimlari bilan jihozlangan yangi qismlarni tashkil etish orqali havo kuchlarining jangovar qobiliyati va salohiyatini oshirish bo‘yicha aniq chora-tadbirlar belgilanmoqda Mudofaa vazirining soʻzlariga koʻra, farmon harbiy aviatsiya va havo hujumidan mudofaa boʻlinmalarining jangovar imkoniyatlarini ikki baravar oshirishga, shuningdek, muhim va strategik obʼyektlarni havo hujumlaridan himoya qilish qobiliyatini yanada mustahkamlashga xizmat qiladi Avvalroq, joriy yilning yanvar oyida Xavfsizlik kengashining mamlakat harbiy xavfsizligi va mudofaasini mustahkamlash bo‘yicha kengaytirilgan yig‘ilishi bo‘lib o‘tgan edi. Yig‘ilishda O‘zbekistonning Mudofaa doktrinasi va Milliy xavfsizlik konsepsiyasiga o‘zgartirishlar kiritilishi ma’lum qilindi