Yevropa Ittifoqi komissari aʼzo davlatlarni chegara nazoratini bosqichma-bosqich olib tashlashga chaqirdi

Yevropa Ittifoqining (YeI) migratsiya bo‘yicha komissari Magnus Brunner Germaniya va ba’zi boshqa a’zo davlatlarni ichki chegara nazoratini bosqichma-bosqich kamaytirishga chaqirdi “AZERTAC” xabar berishicha, komissar Germaniyaning Funke Media Group nashriga bergan bayonotida Yevropa Ittifoqi komissiyasining pozitsiyasiga ko‘ra, chegara nazoratini bosqichma-bosqich yo‘q qilish ham mumkin, ham maqsadga muvofiq ekanligini ta’kidladi. Komissarning aytishicha, bu yondashuv Germaniyaga ham tegishli Soʻnggi paytlarda Yevropa Ittifoqida boshpana soʻrab murojaatlar soni keskin kamayganini qayd etgan M.Brunner, tashqi chegaralar himoyasini kuchaytirish, Yevropa Ittifoqi boʻylab yagona kirish-chiqish tizimini joriy etish kabi chora-tadbirlar allaqachon oʻz samarasini bera boshlaganini taʼkidladi Komissar bu haqda yangi Yevropa migratsiya va boshpana islohotlari kuchga kirishidan bir hafta oldin ma'lum qildi. Shuningdek, u Yevropa Ittifoqining tashqi chegaralarida tashkil etilishi rejalashtirilgan boshpana markazlarida minimal gumanitar standartlar taʼminlanishini aytdi. M.Brunner ushbu markazlarda sog‘liqni saqlash xizmatlari va ta’lim olish imkoniyatini ta’minlash, murojaat etuvchilar uchun adolatli yashash sharoitlarini yaratish zarurligini ta’kidladi Eslatib o‘tamiz, hozirda Yevropa Ittifoqining qator davlatlari Shengen hududida vaqtinchalik chegara nazoratini qo‘llaydi. Germaniya Avstriya bilan chegarada 2015-yildan, Polsha, Chexiya va Shveytsariya bilan chegaralarida 2023-yil oktabrdan, Fransiya, Lyuksemburg, Belgiya, Daniya va Gollandiya bilan chegaralarida esa 2024-yil sentabrdan nazorat o‘tkazmoqda. O‘tgan yilning may oyida chegara nazorati yanada kuchaytirilgan edi 2026 © AZERTAC. Mualliflik huquqi himoyalangan. Ma'lumotlardan foydalanish giperhavola bilan havola qilinishi kerak