Yevropa Ittifoqi komissari Armanistonga keladi - SABAB

Yevropa Ittifoqining kengayish bo‘yicha komissari Marta Kos 5 iyul kuni Armanistonga tashrif buyurishini ma’lum qildi Bu haqda Kos ijtimoiy tarmoqdagi X akkauntida o‘rtoqlashdi, deb xabar beradi Modern.az Marta Kos, Rossiyaning Armanistonga bosimini oshirishda davom etayotganini va bu mamlakatni so'nggi saylovlarda arman xalqi qilgan demokratik tanlovdan uzoqlashtirishga harakat qilayotganini aytdi Yevropa Ittifoqi rasmiysi Armaniston tashqi ishlar vaziri Ararat Mirzoyan bilan uchrashganini qayd etdi. Uning so‘zlariga ko‘ra, 15 iyun kuni Yevropa Ittifoqiga a’zo davlatlar tashqi ishlar vazirlari ishtirokida bo‘lib o‘tgan muhokamalar chog‘ida Armanistonni qanday qo‘llab-quvvatlash va YeI hamjihatligi qanday shaklda davom etishi masalalari ko‘rib chiqildi Kos Yevropa Ittifoqi Armanistonga moliyaviy yordam berishini, shu bilan birga, bu mamlakatning qoʻshnilari va Yevropa bilan savdo aloqalarini kengaytirishga yordam berishini taʼkidladi "Biz Armanistonga moliyaviy yordam beramiz va uning qoʻshni davlatlar hamda Yevropa bilan savdosini osonlashtiramiz. Men 5-iyul kuni Yerevanda aniq qadamlar qoʻyish uchun tashrif buyuraman", - dedi Yevropa Ittifoqi komissari Eslatib o‘tamiz, Armaniston tashqi ishlar vaziri Ararat Mirzoyan ayni damda Lyuksemburgda Yevropa Ittifoqi tashqi ishlar vazirlari kengashi yig‘ilishida ishtirok etmoqda Eslatib o‘tamiz, Armanistonda bo‘lib o‘tadigan parlament saylovlari arafasida Rossiya bir qator arman mahsulotlarini olib kirishga taqiq va cheklovlar kiritgan edi. Ushbu cheklovlarning aksariyati hali ham mavjud