Yevropa Ittifoqi ushbu aviakompaniyani taqiqlagan

Yevropa Komissiyasi Jazoirning “Air Express Algeria” aviakompaniyasini Yevropa Ittifoqining havo xavfsizligi bo‘yicha qora ro‘yxatiga kiritdi. Tashkilot kompaniyada havo transporti xavfsizligi bilan bog'liq jiddiy muammolar mavjudligini aytdi “Modern.az” “Al-Jazira”ga tayanib, kompaniyaga Yevropa Ittifoqiga aʼzo davlatlar havo hududida faoliyat yuritishi va parvozlarni amalga oshirishi taqiqlangani haqida xabar bermoqda Yevropa komissiyasi bayonotida, baholashlar natijasida aviatsiya xavfsizligi sohasida jiddiy muammolar va xalqaro xavfsizlik standartlariga rioya qilish bilan bog‘liq kamchiliklar aniqlanganidan so‘ng shunday qaror qabul qilingani qayd etildi. Qarorda qoidabuzarliklarning mohiyati va taqiqni olib tashlash uchun zarur bo‘lgan choralar haqida qo‘shimcha ma’lumotlar berilmagan "Air Express Algeria" kompaniyasi hozircha Yevrokomissiya qaroriga izoh bermadi Eslatib o‘tamiz, Yevropa Ittifoqining Havo xavfsizligi ro‘yxati 2006 yildan beri amal qiladi va xalqaro xavfsizlik standartlariga javob bermaydigan aviakompaniyalar faoliyatiga cheklovlarni nazarda tutadi. Ro‘yxat muntazam ravishda yangilanadi va aviakompaniyalar, shuningdek, turli mamlakatlar fuqaro aviatsiyasi boshqaruvi organlari faoliyatini texnik baholash asosida shakllantiriladi Shu bilan birga, Yevropa komissiyasi xavfsizlik ko‘rsatkichlari yaxshilangani hisobga olinib, Qirg‘izistondagi barcha sertifikatlangan aviakompaniyalar qora ro‘yxatdan chiqarilganini ma’lum qildi 2002 yilda tashkil etilgan Air Express Algeria asosan Jazoirning neft va gaz sektoriga xizmat qiladi. Kompaniya xodimlarni tashish, tibbiy evakuatsiya, VIP parvozlar va engil yuklarni tashish sohasida ishlaydi