AQShdan Barzani oilasiga zarba! Ular hashamatli saroy uchun harakat qilishdi

AQSh Adliya vazirligi Iroq Kurdiston mintaqaviy hukumatining (QRH) yetakchilaridan biri Mansur Barzaniyga tegishli ekani aytilgan Beverli-Xillzdagi hashamatli saroyni tortib olish uchun sudga murojaat qildi. Taxminan 30 million dollarlik mol-mulk pora va firibgarlikdan olingan daromadlar evaziga sotib olingani aytilgan Peshmerga maxsus kuchlari qo‘mondoni Mansur Barzaniyning 2018-yili 20 million dollarga so‘z ketgan saroyni sotib olgani, keyinroq esa taxminan 10 million dollarga ta’mirlagani bildirildi. Umumiy qiymati 30 million dollarga etgan mulkning hozirgi qiymati 28,5 million dollar atrofida ekanligi bildirildi Ish materiallariga ko‘ra, Barzaniy AQSh Mudofaa vazirligi bilan biznes yurituvchi Virjiniyada joylashgan mudofaa kompaniyasidan pora olganlikda ayblanmoqda. Aytilishicha, kompaniya Erbil xalqaro aeroportida samolyot yoqilg‘isi yetkazib berish bo‘yicha imzolagan 700 million dollarlik shartnomani boy bermaslik uchun Barzaniyga litri uchun 0,25 dollar to‘lagan. Bu usul orqali “yuzlab million dollarlar” qo‘lga kiritilgani iddao qilindi Rasmiylar, daromadlarning bir qismi Barzaniyga tegishli fondga o'tkazilganligini va saroyning shu fond orqali sotib olinganini bildirdi. Qayd etilishicha, mulkda to‘rtta yotoqxona va sakkizta hammom mavjud bo‘lib, umumiy maydoni 930 kvadrat metrni tashkil etadi AQSh Adliya vazirligi, agar u jinoyatdan olingan daromadlar evaziga sotib olinganligi isbotlansa, ushbu mulkni hibsga olishni so'raydi. Ish hali yakunlanmagan bo‘lsa-da, yakuniy qarorni federal sud chiqarishi xabar qilingan