ABA prezidenti: Ozarbayjonda dollarlashuv darajasi pasaygan

Ozarbayjonda bank sektorida depozit portfelining dollarlashuv darajasi 35,7 foizgacha, depozitlarning dollarlashuv darajasi esa 30,2 foizgacha kamaydi Bu haqda Ozarbayjon Banklar Assotsiatsiyasi (ABA) prezidenti Zokir Nuriyev Bokuda bo‘lib o‘tgan “Xalqaro moliya va bank sammiti 2026”da so‘zlagan nutqida ma’lum qildi, deb yozadi “APA-Economics” Uning soʻzlariga koʻra, bu tendentsiya ham milliy valyutaga, ham bank sektoriga boʻlgan ishonchning oshganidan dalolat beradi: “Banklarning umumiy kapitali 9,7 foizga oshib, 7,7 milliard manatga yetdi, bu esa sektorning moliyaviy barqarorligi mustahkamlanganidan dalolatdir”, — dedi u Uning qo‘shimcha qilishicha, joriy yilning aprel oyi oxiriga kelib Ozarbayjon bank sektorining aktivlari o‘tgan yilning mos davriga nisbatan 5 foizga oshib, 57,4 milliard manatga yetgan Uning so‘zlariga ko‘ra, aktivlarning o‘sishi bank sektorining moliyaviy imkoniyatlari kengayib, iqtisodiyotdagi vositachilik roli mustahkamlanganidan dalolat beradi Z.Nuriyev bank sektorining kredit portfeli ham o‘sganini ta’kidladi. Shunday qilib, umumiy kredit portfeli o'tgan yilning shu davriga nisbatan 8,9 foizga oshib, 36 milliard manatga yetdi. Biznes kreditlari hajmi 16,3 milliard manatni tashkil etdi