AQSh va Xitoy Savdo kengashi tuzishga kelishib oldi

Xitoy va AQSh savdo va investitsiya masalalarini muhokama qilish uchun Savdo kengashi va Investitsion kengash tuzishga kelishib oldi Bu haqda Xitoy Savdo vazirligi matbuot xizmati ma’lum qildi, deb yozadi “Report” "Savdo kengashi doirasida ayrim tovarlar uchun bojlarni pasaytirish masalalari muhokama qilinadi. Taqqoslanadigan hajmdagi tovarlar uchun tariflarni oʻzaro pasaytirish boʻyicha kelishuvga erishildi", — deyiladi muassasa xabarida Bundan tashqari, tomonlar ayrim toifadagi tovarlarga tariflarni pasaytirish orqali o‘zaro savdoni, jumladan, qishloq xo‘jaligi mahsulotlari savdosini kengaytirishga ko‘maklashishga kelishib oldilar Vazirlik shuningdek, Xitoyning Amerika samolyotlarini sotib olishi, AQShdan Xitoyga samolyot dvigatellari va butlovchi qismlarni yetkazib berish boʻyicha kelishuvga erishilganini tasdiqladi va tegishli sohalarda hamkorlikni davom ettirishga kelishib olindi Muassasaning qayd etishicha, hozirda erishilgan kelishuvlar tafsilotlari muhokama qilinmoqda “Ikki davlatning savdo-iqtisodiy jamoalari Xitoy-AQSh iqtisodiy hamkorligi va jahon iqtisodiyotiga yanada aniqlik va barqarorlik olib kelish uchun ushbu kelishuvlarni imkon qadar tezroq birlashtirish va amalga oshirish niyatida”, — deyiladi bayonotda Eslatib o‘tamiz, 13-15 may kunlari AQSh yetakchisi Donald Tramp Xitoyga tashrif buyurib, Si Szinpin bilan muzokaralar o‘tkazgan edi Ulardan foydalanganda saytdagi materiallarga murojaat qilish muhimdir. Veb-sahifalarda ma'lumotlardan foydalanilganda, giperhavola orqali havola qilish majburiydir