Amerikalik olimlar Xitoyga ko'chib o'tishni boshladilar

Garvard universitetining sobiq yetakchi olimlaridan biri Charlz Liber rasman Xitoyning Shenchjen shahrida faoliyat yurituvchi yangi “i-BRAIN” institutiga rahbar etib tayinlandi Olim miya-kompyuter interfeysi sohasida faoliyat yurituvchi institut direktori lavozimida faoliyat yuritadi, deb xabar beradi Modern.az. Loyihaning asosiy maqsadi Xitoyni ushbu texnologiya bo‘yicha jahon yetakchisiga aylantirishdir Ma'lumotlarga ko'ra, Charlz Liber AQShda ishlagan davriga nisbatan Xitoyda ko'proq imkoniyatlarga ega bo'lgan. Aytilishicha, unga primatlar ustida tajribalar o‘tkazish, shuningdek, ilg‘or chip ishlab chiqarish uskunalaridan foydalanish uchun cheklanmagan sharoitlar berilgan. Qayd etilishicha, loyiha to‘liq Xitoy hukumati tomonidan moliyalashtiriladi Mutaxassislarning fikricha, miya-kompyuter interfeysi texnologiyalari kelajakda ham fuqarolik, ham harbiy sohada jiddiy o‘zgarishlar yaratishi mumkin. Shu sababdan ayrim doiralar Liber tomonidan ishlab chiqilgan texnologiyalar kelajakda Xitoyning harbiy dasturlarida qo‘llanilishi mumkinligidan xavotirda Qayd etilishicha, Xitoy rasmiylari BCI texnologiyalarini “milliy ustuvorlik” deb e’lon qilgan. Tahlilchilarning fikricha, bu yo‘nalishda olib borilayotgan tadqiqotlar integratsiyalashgan sun’iy intellektga ega harbiy tizimlar va insonning kognitiv imkoniyatlarini oshiradigan texnologiyalarni rivojlantirishga zamin yaratishi mumkin Eslatib o‘tamiz, Charlz Liber 2021-yilda AQShda Xitoy hukumatining “Ming iste’dod” dasturidan olgan to‘lovlarini yashirganlikda ayblanib, sudlangan edi. Maʼlumotlarga koʻra, olimga oʻsha dastur boʻyicha yiliga 750 ming dollar taklif qilingan. U engil jazo olgach va 2023 yilda nafaqaga chiqqanidan keyin butunlay Xitoyga ko'chib o'tdi