Zelenskiý ukrain pullarynyň yzyna gaýtarylandygyny habar berdi

Wengriýanyň häkimiýetleriniň mart aýynyň başynda “Ukrainanyň altyn kerweni” operasiýasynyň çäginde ukrain Oschadbankynyň işgärlerinden konfiskasiýa eden pullary we gymmat bahaly zatlary dolulygyna Ukraina gaýtaryldy. Ukrainanyň prezidenti Wladimir Zelenskiý muny yglan etdi Zelenskiý muny "Wengriýa bilen gatnaşyklardaky möhüm ädim" diýip atlandyrdy we Oschadbankyň işgärleriniň tussag edilmeginiň bikanundygyny aýtdy "Konstruktiw we medeniyetli ädim üçin Wengriýa minnetdarlygymy bildirýärin. Adalatly çözgüt üçin göreşen we döwletimiziň we halkymyzyň bähbitlerini goraýan ukrain toparyndaky hemmelere sag bolsun aýdýaryn" -diýdi 5-nji martda agşam, Oschadbank bankyň ýygnamak gullugynyň iki awtoulagynyň toparyň ýedi agzasy bilen bilelikde Wengriýada saklanandygyny habar berdi we bu hereketleri esassyz diýip atlandyrdy. Ukrainanyň Daşary işler ministri Andriý Sibiga "Wengriýa girew aldy we pul ogurlady" diýdi. “Oschadbank” -yň habaryna görä, ýygnaýan ulaglar 40 million dollar, 35 million ýewro we 9 kilogram altyn alypdyr Wengriýanyň Milli salgyt we gümrük gullugy Ukrainanyň ýedi raýatyna garşy pul ýuwmakda güman edilip, jenaýat işine başlady. Tutulanlaryň arasynda, bar bolan maglumatlara görä, ukrain ýörite gullugynyň pensiýa çykan generalynyň bardygy bellenilýär 6-njy martda Ukrainanyň ýedi raýaty - 5-nji martda Wengriýada tussag edilen Oschadbankyň işgärleri eýýäm watanyna dolandylar