ABŞ-Eýran gepleşikleri Pakistanda garaşýar

"Associated Press" habarlar gullugynyň habaryna görä Pakistanyň premýer-ministri Şahbaz Şerif ABŞ we Eýran wekiliýetleriniň Yslamabatda gepleşiklere geljekdigini aýtdy Şerif, Pakistanyň duşmançylygyň bes edilmeginde möhüm rol oýnandygyny, Daşary işler ministri Yshak Dar we Goşun başlygy Asim Munir ýaly toparynyň ABŞ we Eýran liderleri bilen yzygiderli diplomatik gatnaşykda bolandyklaryny aýtdy Ol ýaraşygy has giň parahatçylyga tarap "ilkinji ädim" diýip atlandyrdy we Yslamabatda geçiriljek gepleşikleriň gowşak ýaraşyk şertnamasynyň dowamly çözülmegine kömek etjekdigine umyt bildirdi Şerif "Uruş diňe wagtlaýyn öňüni aldy, ýöne bu möhüm başlangyç" -diýdi Amerikanyň Birleşen Ştatlaryna we Eýrana kimiň wekilçilik etjekdigini we delegasiýalaryň haçan geljekdigini aýtmady 8-nji aprelde gije ABŞ-nyň prezidenti Donald Trump Eýrana edilýän hüjümleriň iki hepde togtadylýandygyny yglan etdi ABŞ-dan soň Eýran we Ysraýyl iki hepdelik ýaraşyk barada ylalaşdylar Ak tamyň metbugat sekretary Karolin Leawitt ABŞ bilen Eýranyň arasynda parahatçylyk gepleşikleriniň Yslamabatda geçiriljekdigini we 11-nji aprel, şenbe güni irden başlajakdygyny aýtdy. Onuň sözlerine görä, Amerikan wekiliýetine wise-prezident J.D.Wans, ýörite wekil Stiw Witkoff we prezident Donald Trumpyň giýewisi Jared Kuşner girer