Ruandadaky genosid işinde günäkärlenýän 93 ýaşly Gaagada aradan çykdy

Ruandadaky genosidi gurnamakda günäkärlenýän Feliken Kabuga 94 ýaşynda Gaagadaky keselhanada aradan çykdy Degişli maglumatlar 17-nji maýda Birleşen Milletler Guramasynyň Jenaýat Kazyýetleri üçin Halkara galyndy mehanizminiň resmi web sahypasynda çap edildi Kabuga aradan çykanda halkara guramasynyň gözegçiligindedi. BMG kazyýetiniň prezidenti, kazy Grasila Gatti Santana aýyplanýanyň ölüm ýagdaýlary barada doly derňew geçirmegi buýurdy Kabuga Ruandada bolup geçen wakalarda esasy günäkärlenýänleriň biri hasaplandy. Derňew ony köpçülikleýin ganhorluklary guramakda, öjükdirmekde we adamzada garşy jenaýat etmekde güman etdi. Günäkärlenýäni tussag etmek barada karar 2013-nji ýylda berildi, ýöne ol bary-ýogy ýedi ýyl soň tussag edildi 2020-nji ýylda 20 ýyl gizlenen Kabuga Fransiýada tapyldy we soňra Gaaga äkidildi. Kabuga garşy kazyýet işi 2022-nji ýylyň güýzünde başlandy. Kazyýetde demans we umumy saglyk sebäpli diňlenişige gatnaşyp bilmejekdigi sebäpli kazyýet diňlenişigi wagtlaýynça togtadyldy