Özbegistan, ABŞ 2026-njy ýylda bilelikdäki maýa goýum platformasyny açmagy meýilleşdirýär

Özbegistan we ABŞ şu ýyl bilelikdäki maýa goýum platformasyny açmagy meýilleşdirýärler. Bu barada 5-nji aprelde Waşingtonda Özbegistanyň Prezident administrasiýasynyň başlygy bilen ABŞ-Özbegistan Biznes we maýa goýum geňeşiniň egindeş başlygy Saida Mirziýoýewa we ABŞ-nyň Halkara Ösüş Maliýe Korporasiýasynyň (DFC) baş müdiri Ben Blekiň duşuşygynda ara alnyp maslahatlaşyldy Mirziýoýewa Telegram kanalynda "Biz taslamalaryň uly bukjasyny ara alyp maslahatlaşdyk. DFC Amerikaly maýadarlary Özbegistana çekmäge we maýa goýum töwekgelçiliklerini paýlaşmaga kömek eder" -diýdi Maýa goýum platformasy şertnamasy Özbegistanyň prezidenti Şawkat Mirziýewiň 18-nji fewralda Waşingtona eden iş sapary wagtynda gol çekildi. Maksady Özbegistanda ileri tutulýan taslamalary yzygiderli ösdürmek Şol gün Mirziýoýewa ABŞ-nyň Döwlet sekretary Marko Rubio bilen duşuşyp, Iş we maýa goýum geňeşiniň mejlisiniň netijelerini gözden geçirdi. Ol Rubionyň iki ýurduň arasyndaky strategiki hyzmatdaşlykda "möhüm roluny" öwdi Saida Mirziýoýewa ABŞ-nyň söwda wekili Jeýmson Greer bilen duşuşyp, ikitaraplaýyn söwda üçin özara peýdaly düzgünleri döredjek şertnamalary ara alyp maslahatlaşdy. Gazetada mahabat Bu web sahypasyndaky materiallary öňünden ýazmaça rugsady bolmazdan köpeltmek ýa-da paýlamak bolmaz Sag boluň. Habaryňyzy aldyk we ýalňyşlygy ýakyn wagtda düzederis