Ysraýyldan Liwana agyr zarba - ölenleriň sany 100-den, ýaralananlaryň sany 800-den geçdi

Ysraýyl goşuny günortan Liwanyň paýtagty Beýrutda we ýurduň gündogar we günorta böleginde 100-e golaý howa hüjümini amala aşyrdy 525.az daşary ýurt habar beriş serişdelerine salgylanyp, Ysraýylyň 2-nji martdan bäri Liwana garşy amala aşyran iň gazaply hüjümidigini habar berdi Liwanyň saglygy goraýyş ministri Reken Nasreddin "Al-Jazeera" kanalyna beren beýanatynda hüjümler netijesinde ölenleriň sanynyň 100-den geçendigini aýtdy: "Biz Liwanda gaty howply möwç alýarys. Paýtagtymyz Beýrutdan we Dahiýadan başga-da Ysraýylyň hüjümleri Bekaa jülgesinde, Liwan dagynda we günorta sebitlerde bigünä raýatlary nyşana aldy." Ysraýyl tarapyndan bir wagtyň özünde amala aşyrylan hüjümlerde hassahanalaryň, tiz kömek ulaglarynyň we gyssagly lukmançylyk merkezleriniň nyşana alnandygyny mälim eden saglyk ministri, ilkinji habarlara görä 112 adamyň ölendigini we azyndan 837 adamyň ýaralanandygyny aýtdy Ysraýylyň hüjümleriniň geriminiň we ýitiliginiň öňünde saglyk ulgamynyň barha artýan zerurlyklaryna ünsi çekip, Reken Nasreddin: "Liwanyň saglyk ulgamyna gyssagly halkara ynsanperwer kömegini bermäge çagyrýarys. Bütindünýä saglygy goraýyş guramasy, ICEUNISEF we Birleşen Milletler Guramasynyň Ilat gaznasy ýaly halkara hyzmatdaşlarymyz we dostlukly ýurtlarymyz bilen gyssagly aragatnaşyk enjamlaryny, hirurgiki enjamlary we dermanlary üpjün etmek üçin hemişe aragatnaşyk saklaýarys."