Kiýew tassyklady: Ukrain pilotsyz uçarlary Latwiýa uçdy

Ukrainanyň Daşary işler ministri Andreý Sibiga ukrain pilotsyz uçarlarynyň Latwiýanyň çägine uçandygyny tassyklady we wakalaryň sebäbini Russiýanyň elektron söweş ulgamlarynyň işi diýip atlandyrdy Sibiga X ulgamynda Latwiýanyň howa giňişligindäki pilotsyz uçarlar bilen Latwiýanyň Daşary işler ministri Baiba Braže bilen bu meseläni ara alyp maslahatlaşandygyny habar berdi. Sibiga: "Derňew munuň Russiýanyň elektron söweş ulgamlarynyň netijesidigini, ukrain pilotsyz uçarlaryny Russiýadaky nyşanalaryndan bilkastlaýyn gönükdirendigini subut etdi" -diýdi Daşary işler ministri "Ukrainanyň Baltika ýurtlary we Finlýandiýa bilen şeýle hadysalaryň, şol sanda hünärmenlerimiziň gönüden-göni gatnaşmagynyň öňüni almak üçin işlemäge taýýardygyny" aýtdy Soňky bir aýyň dowamynda Ukraina ýurduň demirgazygyndaky, şol sanda Leningrad sebitindäki rus portlaryna we nebit desgalaryna hüjümleri güýçlendirdi. Latwiýa, Litwa, Estoniýa we Finlýandiýa ukrain pilotsyz uçarlarynyň Russiýa serhedine ýanaşyk ýerlerde howa giňişligine uçandygyny birnäçe gezek habar berdiler Dynç güni Latwiýanyň Goranmak ministri Andris Spruds harbylaryň pilotsyz uçarlaryň nebit ammaryna gaçmagynyň öňüni alyp bilmeýändigi sebäpli işinden çekildi