Hytaýyň prezidenti Si ABŞ-nyň prezidenti Trump-ny resmi dabara bilen garşy aldy

Hytaýyň resmi saparynyň çäginde düýn ýurduň paýtagty Pekine gelen ABŞ-nyň prezidenti Donald Trump 2 gün dowam etmegine garaşylýan diplomatik gatnaşyklaryna başlady 9 ýyldan soň Hytaýa sapar eden ABŞ-nyň ilkinji prezidenti bolan Trump, Hytaýyň prezidenti Si Szinpin tarapyndan Halkyň Zalynda onuň hormatyna geçirilen ajaýyp resmi dabara bilen garşylandy. Iki elleşip, öz ýurtlarynyň resmi wekiliýetleri bilen salamlaşandan soň, hytaý we ABŞ-nyň milli gimnleri çalynýan mahaly, dabaranyň ortasynda döredilen platformada esasy pozisiýada durdular. Soň Si we Trump gyzyl halyda ýöräp, ýörişden we garşylaýyş dabarasyna gatnaşan çagalar ellerinde baýdaklar bilen geçdiler we diplomatik gepleşiklere başlamak üçin Halkyň Zalyna girdiler Dabaradan soň çykyş eden ABŞ-nyň prezidenti Trump: "Ilki bilen, gaty az adamyň şaýatlyk edip bilendigi bu uly hormat. Bu çagalarda maňa aýratyn täsir galdyrandygyny aýtmaly. Olar bagtly we owadandy". diýdi Trump, ABŞ-nyň prezidentiniň Hytaýa 9 ýyldan soň ilkinji resmi saparynyň çäginde düýn ýurduň paýtagty Pekine geldi. Trump we onuň kabinet agzalaryny, şeýle hem ABŞ-nyň işewür dünýäsiniň öňdebaryjy şahsyýetlerini alyp barýan "Howa güýçleri 1" uçary, ýerli wagt bilen sagat 20: 00-da Pekiniň paýtagty halkara howa menziline gondy. Bu ýerde resmi dabara bilen garşy alnan Trump soňra resmi ulagy bilen galjak myhmanhanasyna gitdi