HRW: Gyrgyzystanda kanun taslamasy transgenderleriň hukuklaryny çäklendirip biler

Human Rights Watch (HRW) häzirki wagtda Gyrgyzystanda garalýan kanun taslamasynyň transgenderleriň hukuklaryny çynlakaý çäklendirjekdigini habar berdi Bu guramanyň 15-nji iýunda çap eden beýanynda bellendi Kanun taslamasy 4-nji iýunda Jogorku Keneshde ilkinji okaldy. Onuň güýje girmegi üçin ýene iki gezek okalmaly we prezident tarapyndan gol çekilmeli. Ynsan hukuklaryny goraýjylar, tomus kanikulyndan öň parlamentiň kanuny çalt kabul etmeginden gorkýarlar HRW-nyň Merkezi Aziýa boýunça gözlegçisi Synat Soltanaliýewanyň pikiriçe, kanun taslamasy transgenderler baradaky ýalňyş düşünjelere esaslanýar we olaryň durmuşyna göni täsir edip biler Guramanyň habaryna görä, Gyrgyzystanda 2020-nji ýyla çenli resminamalarda adamyň jynsyny üýtgetmek mümkindi. Soň bolsa kanundan aýryldy. Şondan bäri beýle üýtgeşmeler girizmek isleýänler muny diňe kazyýetleriň üsti bilen etmeli. 2024-nji ýylda jyns taýdan duýgur lukmançylyk kömegi diňe 25 ýaşdan uly adamlar üçin elýeterli bolar Human Rights Watch, kanun taslamasy kabul edilen halatynda transgenderleriň iş, bilim, saglygy goraýyş we ýaşaýyş jaýlarynda has köp diskriminasiýa sezewar edilip biljekdigini aýtdy Şeýle hem bu gurama resminamanyň käbir düzgünleriniň Gyrgyzystan tarapyndan tassyklanan halkara şertnamalaryna, şol sanda Çaga hukuklary konwensiýasyna we Raýat we syýasy hukuklar baradaky halkara şertnamasyna garşy bolup biljekdigine ynanýar Şu ýylyň 15-nji maýynda Birleşen Milletler Guramasynyň adam hukuklary boýunça hünärmenleri kanun taslamasynyň esasy düzgünleriniň Gyrgyzystanyň halkara borçnamalaryna laýyk gelmeýändigini habar berdiler Gyrgyzystanyň häkimiýetleri we kanun taslamasynyň inisiatorlary şu wagta çenli Ynsan hukuklaryny goraýjy guramanyň beýanyna teswir bermediler