Prezident Erdogan KRG-nyň premýer-ministri Barzanini kabul etdi

Prezidentiň Aragatnaşyk müdirliginiň beren beýanyna görä, Prezident Dolmabahçe iş edarasynda geçirilen kabul edişlikde sebitdäki soňky wakalar ara alnyp maslahatlaşyldy Duşuşygyň gün tertibiniň iň möhüm meselelerinden biri sebitdäki barha artýan howpsuzlyk krizisleri boldy. Prezident Erdogan, Yrak topraklarynyň, şol sanda Erbiliň ABŞ bilen Eýranyň arasyndaky söweşde nyşana alnandygyna gynanç bildirdi. Türkiýäniň konfliktleriň sebitdäki beýleki ýurtlara ýaýramagyny islemeýändigini mälim eden Erdogan, KRG administrasiýasy bilen raýdaşlygyň bu etapda dowam etjekdigini aýtdy Duşuşykda Yrakdaky häzirki syýasy ýagdaýa degildi we ýurtda durnuklylygy saklamagyň tutuş sebit üçin möhümdigini aýtdy. Prezident Erdogan, Yragyň agzybirligine we raýdaşlygyna goşant goşmak üçin merkezi hökümetiň gysga wagtda döredilmelidigini aýtdy Kabul edişlikde Türkiýäniň Yragyň merkezi hökümeti we KRG bilen hyzmatdaşlygy ösdürmek karary tassyklandy. Köp ugurlarda, esasanam söwda, transport we energiýa ugurlarynda gatnaşyklary ösdürmek üçin görülýän ädimleriň üznüksiz dowam etjekdigi mälim edildi. Duşuşykda infrastruktura başlangyçlary hem gün tertibine getirilen hem bolsa, Prezident Erdogan "Ösüş ýoly taslamasynyň" durmuşa geçirilmeginiň diňe bir Yrak üçin däl, eýsem Aýlag sebiti üçinem uly peýdalar getirjekdigini aýtdy Diplomatik we söwda gatnaşyklaryndan başga-da terrorçylyga garşy strategiýalara baha berildi. Prezident Erdogan "Terrorçylyksyz Türkiye" etabyny üstünlikli amala aşyrmak isleýändiklerini, Türkiýede we goňşy ýurtlarda parahatçylygy we durnuklylygy isleýändigini aýtdy