ABŞ BP-nyň Azerbaýjanda ruslar we eýranlylar bilen işleşmegine rugsat berdi

Amerikanyň Birleşen Ştatlary, Azerbaýjanda esasy gaz taslamasynda sanksiýa berlen eýranly we rus hyzmatdaşlary bilen tölegleri tölemek üçin BP-nyň ygtyýarnamasyny täzeledi. “Bloomberg News” habar berýär "Şah Deniz" gaz kondensat ýatagyny özleşdirmek üçin konsorsiuma Russiýanyň "Lukoil" kompaniýasy we Eýranyň NICO (Milli Eýran Nebit Kompaniýasy) girýär. Konsorsiumyň operatory 29,99% paý bilen BP-dir. 2025-nji ýylyň ortalaryna Lukoil konsorsiumyň 19,99%, Türk TPAO - 19%, Günorta Gaz Koridory (paýdarlar SOCAR we Azerbaýjanyň Ykdysadyýet ministrligi) - 16.02%, NICO - 10%, Wengriýanyň MVM - 5% paýyna eýe boldy NICO Şah Deniz konsorsiumynda ilkibaşdan wekilçilik edipdi. Neşiriň bellemegine görä, Eýran kompaniýasynyň, ABŞ-nyň sanksiýalaryna laýyklykda, Hazar deňzindäki uly azerbaýjan gaz kondensat ýatagyna gatnaşmagy "Waşington bilen ylalaşyldy". Amerikanyň Birleşen Ştatlary BP-e bu konsorsiumda Eýran kompaniýasy bilen işleşmäge rugsat berdi Russiýanyň “Lukoil” kompaniýasyna geçen ýyl prezident Donald Trump sanksiýa beripdi. Soňra ABŞ hökümeti kompaniýa, Azerbaýjandaky emläkleri goşmak bilen daşary ýurt emläklerini satmaga wagt berdi. Şeýle-de bolsa, “Lukoil” bu emläkler üçin alyjy tapmady