Futbolchilarni ayblash xalqimizga xos emas – Shavkat Mirziyoyev

Prezident Shavkat Mirziyoyev O‘zbekiston milliy terma jamoasining JCh-2026dagi ishtirokiga izoh berib, futbolchilarni tanqid qilish emas, aksincha, ularni qo‘llab-quvvatlash muhimligini aytdi. Shavkat Mirziyoyev bugun, 30-iyun kuni yoshlar bilan uchrashuvda shu haqda gapirdi “Biz butun xalqimiz bilan birgalikda AQSh va Meksika maydonlarida milliy terma jamoamizning o‘yinlarini bir tan, bir jon bo‘lib katta hayajon bilan tomosha qildik.To‘g‘rirog‘i, FIFA reytingida 5-o‘rinni egallagan Portugaliya, 13-o‘rinni egallab turgan Kolumbiya, Kongo terma jamoasiga qarshi o‘yinlar orqali Yevropaning yetakchi futbolchilari va tajriba orttirgan ko‘plab futbolchilarimiz o‘yin muhitini his qilishdi. Jahon chempionati ishtirokchisi Abbos Fayzullayev va Eldor Shomurodov jahon chempionatidagi ilk gollarini urib, xalqimizga quvonch ulashdi”, — dedi Shavkat Mirziyoyev Davlat rahbari, shuningdek, milliy terma jamoaning jahon chempionatidagi ishtiroki haqida turli fikrlar bildirilayotganini taʼkidlab, yurt sharafini himoya qilgan futbolchilarni ortiqcha tanqid qilish oʻrinsiz ekanini taʼkidladi “Ammo Vatanimiz sharafini himoya qilgan terma jamoamiz a’zolariga nisbatan emotsional e’tiroz bildirish, ular orasidan kimnidir aybdor izlash xalqimizga xos emas, aksincha, bugun ularni qo‘llab-quvvatlash, kayfiyatini ko‘tarish har qachongidan ham muhim, – dedi Prezidentimiz Qolaversa, Shavkat Mirziyoyev hali oldinda yirik g‘alabalar borligini, futbolni rivojlantirish uchun yanada keng sharoitlar yaratilishi, sohaga ko‘proq sarmoya yo‘naltirilishini ta’kidladi. Avvalo, bolalar futboliga e’tibor kuchaytiriladi, sport umummilliy harakatga aylantiriladi, kelasi yilning yanvar oyida Saudiya Arabistonida bo‘lib o‘tadigan Osiyo kubogiga hozirdan tayyorgarlik boshlanadi – Jamoamizga ishonamiz va ularni ushbu turnirda butun xalqimiz bilan qo‘llab-quvvatlaymiz, – dedi Prezidentimiz Avvalroq O‘zbekiston JCh-2026 “K” guruhida Kolumbiyaga 1:3, Portugaliyaga 0:5 va Kongo Demokratik Respublikasiga 1:3 hisobida mag‘lub bo‘lib, musobaqani guruh bosqichida yakunlagani haqida xabar berilgandi