Azerbaýjanyň Goranmak ministri Serbiýa resmi sapar edýär (FOTO)

BAKU, Azerbaýjan, 10-njy iýun. Azerbaýjan Goranmak ministri general polkownik Zakir Hasanow Serbiýa Respublikasyna resmi sapar edýär, Goranmak ministrliginiň çeşmesiniň Trendine beren habaryna görä Ilki bilen azerbaýjan delegasiýasy Milli lider Heýdar Aliýewiň we serbiýaly tanymal ýazyjy Milorad Pawiçiň ýadygärliklerine, şeýle hem Belgradyň Taşmajdan seýilgähinde Milika Rakige bagyşlanan ýadygärlik toplumyna baryp, gül desselerini goýdy Soňra sapar meýilnamasyna laýyklykda general polkownik Zakir Hasanow Serbiýa Goranmak ministri jenap Bratislaw Gasiç bilen duşuşdy Resmi garşylaýyş dabarasynda iki ýurduň goranmak ministrleri teswirnama laýyklykda hormat garawulynyň ýanyndan geçdiler. Azerbaýjan Respublikasynyň we Serbiýa Respublikasynyň döwlet gimnleri ýerine ýetirildi Duşuşykda taraplar häzirki ýagdaý we iki ýurduň arasynda harby, harby-tehniki we harby-bilim ugurlaryndaky hyzmatdaşlygy ösdürmegiň geljegi barada pikir alyşdylar, şeýle hem sebit howpsuzlygy we özara gyzyklanýan beýleki birnäçe meseleler ara alnyp maslahatlaşyldy Saparyň çäginde Azerbaýjanyň Goranmak ministriniň Serbiýanyň Bujanowak şäheriniň golaýynda geçiriljek “Platina Wolf 26” köpmilletli taktiki türgenleşigiň Hormatly myhmanlar gününe gatnaşjakdygyny bellemelidiris