Ankaradaky Türkmenistanyň ilçihanasy tarapyndan welosiped sürmek guraldy

2026-njy ýylyň 3-nji iýunynda Türkmenistanyň Türkiýe Respublikasyndaky ilçihanasy Bütindünýä welosiped gününe we Türkmenistanyň garaşsyzlygynyň 35 ýyllygyna bagyşlanan sport çäreleri gurady Çärelere diplomatik wekilhanalaryň wekilleri, türkmen diasporasynyň agzalary, türk metbugatynyň wekilleri, türkmen talyplary, welosiped höwesjeňleri gatnaşdy. Tigir sürmek, Ankaranyň golaýyndaky Eýmir kölüniň kenarynda ýerleşýän ýörite enjamlaşdyrylan welosiped ýolunda bolup geçdi Tigir sürmäge başlamazdan ozal resmi açylyş dabarasy geçirildi. Çykyş edenler öz çykyşlarynda Türkmenistanyň başlangyjy bilen Bütindünýä welosiped gününiň döredilmeginiň, halkara jemgyýetçiliginiň ýurduň bedenterbiýe we sporty ösdürmek, sagdyn durmuş ýörelgesini höweslendirmek, ekologiýa taýdan arassa ulag görnüşlerini ösdürmek we ýaş nesle daşky gurşawa ideg etmek terbiýesini bermek baradaky tagallalaryna ýokary baha berýändigini görkezýär Tigir sürmek tamamlanandan soň, gatnaşyjylar Türkmenistanyň sporty ösdürmäge, parahatçylygy we hyzmatdaşlygy berkitmäge gönükdirilen halkara başlangyçlaryny goldaýandyklaryny mälim etdiler