23 Azerbaýjan raýaty Siriýadan gaýdyp geldi

Azerbaýjan Daşary işler ministrliginiň habaryna görä, Azerbaýjan Respublikasynyň hökümeti tarapyndan geçirilen tapgyrlaýyn we utgaşdyrylan çäreleriň netijesinde 23 azerbaýjan raýaty (7 aýal we 16 çaga) Siriýanyň Arap respublikasyndan şu ýylyň 7-nji, 9-njy we 11-nji iýunynda yzyna iberildi Bu etapyň ilkinji tapgyrynda bosgunlaryň nirededigi, şahsyýetleri we Azerbaýjan Respublikasynyň raýatlygy kesgitlenildi. Azerbaýjanyň Siriýanyň Arap Respublikasyndaky we Türkiýe Respublikasyndaky ilçihanalary, şeýle hem Stambuldaky Baş konsullygy raýatlara Azerbaýjan Respublikasyna gaýdyp gelmek şahadatnamalary we awiakompaniýanyň biletleri bilen zerur utgaşdyrmak işini amala aşyrdy Daşary ýurtlarda krizis ýagdaýlary bilen ýüzbe-ýüz bolýan azerbaýjan raýatlarynyň yzyna iberilmegine jogapkär döwlet edaralarynyň wekillerinden ybarat iş toparynyň agzalary Siriýa ugradyldy, şol ýerden gaýdyp gelenler başlangyç lukmançylyk we psihologiki barlaglardan geçdi Sosial reabilitasiýa we bosgunlaryň jemgyýete birleşdirilmegine gönükdirilen degişli çäreler göz öňünde tutulýar Daşary ýurtlarda ýaragly çaknyşyklaryň pidasy bolan azerbaýjan raýatlarynyň ýurtlaryna dolanmagy üçin zerur çäreleri görmek tagallalary dowam eder