2026-njy ýyldaky dünýä çempionaty ABŞ-nyň ykdysadyýetine 17 milliard dollar getirip biler

ABŞ-da, Kanadada we Meksikada geçirilen 2026-njy ýyldaky FIFA dünýä çempionaty birnäçe kompaniýa üçin girdeji we paýnamany artdyryp biler. CNBC muny analitikleriň pikirlerine salgylanyp habar berdi Neşiriň habaryna görä, 2026-njy ýyldaky dünýä çempionaty ABŞ-nyň ykdysadyýetine 17 milliard dollar getirip biler. Çempionatdan has köp peýdalanjak kompaniýalar syýahatçylyk, sport harytlary, myhmansöýerlik we sarp ediş harytlary pudagynda işleýänlerdir Analitikler millionlarça janköýeriň Demirgazyk Amerika gelmegi myhmanhanalara, awiakompaniýalara we gysga möhletli kärende platformalaryna bolan islegi artdyrar diýip hasaplaýarlar. Bu nukdaýnazardan Marriott International, Hilton Worldwide we Airbnb ýaly kompaniýalar girdejileriniň artmagyny görüp bilerler Sport eşiklerini öndürijileriň dünýä çempionatyndan peýdalanyp biljek kompaniýalaryň hataryndadygy bellendi. Nike we Adidas ýaly markalar milli ýygyndy formalaryna we janköýer önümlerine bolan islegiň artmagyndan goşmaça girdeji gazanyp biler. Şeýle-de bolsa, käbir bilermenler dünýä çempionatynyň bu kompaniýalaryň uzak möhletleýin maliýe görkezijilerine çäkli täsir edip biljekdigini aýdýarlar Neşiriň pikiriçe, içgi öndürijileri ýaryş wagtynda satuwlaryň köpelmegine garaşýarlar. Hususan-da, uly sport çäreleri wagtynda janköýerleriň ýygnanmagy piwo we beýleki içgileriň satuwyna oňyn täsir edip biler. 2026-njy ýyldaky dünýä çempionaty taryhdaky iň uly futbol ýaryşlaryndan biri bolar. ABŞ, Kanada we Meksika bilelikde gurnalan bäsleşige 48 milli ýygyndy gatnaşar we jemi 104 oýun oýnalar Analitikler şeýle uly göwrümli sport çäreleriniň käbir kompaniýalar üçin gysga möhletli täjirçilik artykmaçlyklaryny döredip biljekdigine garamazdan, maýa goýujylaryň uzak möhletleýin kararlar kabul edende kompaniýalaryň esaslaryny hem göz öňünde tutmalydygyny aýdýarlar