Жогорку Кеңеш толугу менен электрондук документ жүгүртүүгө өтөт

Turmush - Жогорку Кеңештин депутаттары бүгүн, 30-апрелде Жогорку Кеңештин Регламенти жана «Нормативдик укуктук актылар жөнүндө» мыйзамга өзгөртүүлөрдү үч окууда жактырды, деп билдирди ЖКнын басма сөз кызматы. Өзгөртүүлөр санариптик форматтын пайдасына мыйзам долбоорлорун милдеттүү түрдө кагаз түрүндө колдоодон толугу менен баш тартууну билдирет Түзөтүүлөрдүн демилгечилери депутаттар Ырысбек Атажанов, Марлен Маматалиев, Талант Мамытов, Дастанбек Жумабеков, Нурбек Сыдыгалиев жана Талайбек Масабиров болду. Жыйындын жүрүшүндө Ырысбек Атажанов белгилегендей, эми мыйзам чыгаруу демилгесинин субъекттери документтерин электрондук түрдө тапшыра алышат Кошумчалай кетсек, табигый монополиялар жөнүндө мыйзамга өзгөртүү киргизүү боюнча мыйзам долбоору биринчи окууда кабыл алынды. Ал республиканын монополияга каршы органынын ишин каржылоо жана материалдык-техникалык жактан камсыз кылуу маселелерин укуктук жөнгө салууну өркүндөтүүгө багытталган