Жогорку Кеңеш 8 адамдан турган Борбордук шайлоо комиссиясынын жаңы курамын шайлады

Жогорку Кеңеш 3-июндагы жыйынында Кыргызстандын Шайлоо жана референдум өткөрүү боюнча борбордук комиссиясынын жаңы курамын шайлады. Буга чейин Жогорку Кеңештин тиешелүү комитетинде каралган сегиз талапкердин баарын депутаттар колдошту Президенттикке жана министрлер кабинетине талапкерлерди мамлекет башчынын жана өкмөттүн Жогорку Кеңештеги туруктуу өкүлү Бектур Зулпиев тааныштырды. Тизмеге Алмаз Айбалаев, Русланбек Жакышов, Миргүл Темирбаева жана Бөдөш Мамырова кирген Депутаттык топтор тарабынан дагы төрт талапкер көрсөтүлдү. “Эл үмүтү-Ата Журт” тобу Тынчтык Шайназаровду, “Ала-Тоо” жана “Ишеним” тобу Сүйүнбек Касмамбетовду, “Ынтымак-Мекенчил” тобу Лейла Лурова, “Элдик” тобу Тимур Оторбаевди сунушташкан Жогорку Кеңештин Конституциялык мыйзамдар, мамлекеттик түзүлүш, жергиликтүү өз алдынча башкаруу жана регламент боюнча комитетинин төрагасы Гүлнара Акимбаева билдиргендей, тиешелүү комитет мурда сунушталган бардык талапкерлерди карап чыгып, жактырды