Жалал-Абад электр тармактар ишканасына атайын техникалар берилди

Бишкек, 12.06.26. /Кабар/. Жалал-Абад электр тармактар ишканасына жаңы атайын техникалар тапшырылды. Бул тууралуу ишканадан билдиришти Тармактын мүмкүнчүлүктөрүн жогорулатуу максатында 1 даана FAW үлгүсүндөгү автокөтөргүч, 1 даана экскаватор жана 2 даана ISUZU үлгүсүндөгү бригадалык унаа берилди Бөлүштүрүүгө ылайык, бригадалык унаалардын бири Жалал-Абад, экинчиси Ала-Бука көмөк чордондорунун кызматкерлерине пайдаланууга берилди Эске сала кетсек, аталган унаалар "Кыргызстандын улуттук электр тармагы" ААК тарабынан өз каражатына сатылып алынган 41 даана жаңы атайын техниканын курамына кирет жана алар өлкөнүн аймактарына баскыч-баскычы менен бөлүштүрүлүүдө