Жер титирөөнү Алматы шаарынын тургундары сезишти

Алматынын тургундары 4-июнь күнү кечинде жер титирөөнү сезишти, деп билдирет Orda.kz Жер титирөө тууралуу маалымат Европа-Жер ортолук деңиз сейсмологиялык борборунун (EMSC) сайтында пайда болду. Алардын айтымында, жер титирөөнүн күчү 5 баллга жакын болгон. Жер титирөө Алматыдан 328 чакырым түндүк-чыгышта жана Хучэн шаарынан (Кытай) 58 чакырым түндүк-батышта катталган Казакстандын Өзгөчө кырдаалдар министрлиги алдын ала маалымат боюнча саат 21:22де Алматыда жер титирөө болгонун билдирди. Республиканын Өзгөчө кырдаалдар министрлигинин сейсмологиялык байкоолор жана изилдөөлөр улуттук илимий борборунун сейсмикалык станцияларынын тармагы учурда маалыматты иштеп чыгууда. Жер титирөөнүн очогу жана күчү боюнча маалыматтар такталууда